នៅថ្ងៃចន្ទ ៥កើត ខែអស្សុជ ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី ១១ ខែ តុលា ឆ្នាំ២០២១ ១.លោក ខៀវ សុថុន ប្រធានការិយាល័យផលិតកម្ម និងបសុព្យាបាល បានដឹកនាំមន្ត្រីក្រោយឱវាទបានចុះ ៖ ក/ត្រួតពិនិត្យ និងផ្តល់ប្រឹក្សាបច្ចេក ដល់កសិករចិញ្ចឹមមាន់បង្ហាញស្ថិតនៅភូមិបរតាំងស៊ូ សង្កាត់បរយ៉ាខា ក្រុងប៉ៃលិន និងភូមិបុស្អំ ឃុំអូរអណ្តូង ស្រុកសាលាក្រៅ ដែលកំពុងជួបបញ្ហាមាន់ឈឺងាប់ ឲ្យយកចិត្តទុកដាក់អនុវត្តវិធានអនាម័យ ធ្វើជីវសុវត្ថិភាពជាប្រចាំ ផ្តល់ចំណីឲ្យបានគ្រប់គ្រាន់ ធ្វើវ៉ាក់សាំងឲ្យបានត្រឹមត្រូវ និងបានផ្តល់ថ្នាំសម្រាប់ព្យាបាលមួយចំនួនផងដែរ ។ ខ/ទំនាក់ទំនង និងរៀបចំត្រៀមទីតាំងសម្រាប់ធ្វើវ៉ាក់សាំងការពារជំងឺគោក្របី នៅភូមិទំនប់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។