ថ្ងៃពុធ៣ កើតខែបុស្សឆ្នំាឆ្លូវ ត្រីស័ក ពុទ្ធសករាជ ២៥៦៥ ត្រូវនឹង ថ្ងៃទី ៥ ខែ មករា ឆ្នាំ ២០២២ លោក សាយ សុផាត ប្រធានមន្ទីរបានដឹកនាំថ្នាក់ដឹកនាំមន្ទីរ និងថ្នាក់ដឹកនាំការិយាល័យចូលរួមសហការជាមួយក្រុមការងារអគ្គនាយកដ្ឋានកសិកម្ម ដើម្បីពិនិត្យវាយតម្លៃចំការ និងរោងចក្រកែច្នៃផ្លែមៀនប៉ៃលិននាំចេញទៅប្រទេសចិន ជាមួយប្រតិភូទូតចិន។ ជាលទ្ធផល៖ ១.បានចូលរួមកម្មវិធីបើក ដោយឯកឧត្តម ងិន ឆាយ ប្រតិភូរាជរដ្ឋាភិបាលទទួលបន្ទុកអគ្គនាយកដ្ឋានកសិកម្ម មតិចូលរួមតំណាងគយនិងអ្នកជំនាញសាធារណរដ្ឋប្រជាមេនិតចិន និងការធ្វើបទបង្ហាញដោយលោកប្រធាននាយកដ្ឋានការពារដំណាំ អនាម័យ និងភូតគាមអនាម័យ តាមកម្មវិធីផ្សាយផ្ទាល់ពីចម្ងាយ Zoom meeting។ ២.ការវាយតម្លៃចំការរបស់លោក សារ ចំរើន និងចំការរបស់លោក កាន់ សុខាន់ តាមរយះការបង្ហាញពីប្រវត្តិការប្រើប្រាស់ដាំដុះដំណាំ ការអនុវត្តន៍កសិកម្មល្អ ការទុកដាក់សំភារះថ្នាំកសិកម្មក្នុងឃ្លាំង វិធានការណ៍គ្រប់គ្រងការពារជម្ងឺកូវីដ-១៩ និងមានសំនួរ ចម្លើយពីចម្ងាយដោយអ្នកជំនាញ និងគយចិនតាមកម្មវិធី zoom meeting។ ៣.ពិនិត្យវាយតម្លៃរោងចក្រកែច្នៃ (parking house) នាំចេញផ្លែមៀនប៉ៃលិនទៅប្រទេសចិន ដោយម្ចាស់រោងចក្រ និងបុគ្គលិកជនជាតិចិនបង្ហាញពីប្រវត្តិការកសាង ការគ្រប់គ្រងបុគ្គលិក ដំណើរការការកែច្នៃ វេចខ្ចប់ សមត្ថភាពផលិត វិធានការណ៍ការពារជម្ងឺកូវីដ-១៩ និងហេឋារចនាសម្ព័ន្ធអាគារជុំវិញ និងការការពារបរិស្ថាន និងមានសំនួរចម្លើយពីអ្នកជំនាញ និងគយចិន។