ថ្ងៃអង្គារ ៩កើត ខែបុស្ស ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១២ ខែមករា ឆ្នាំ២០២២ ថ្ងៃទី ១១ ខែមករា ឆ្នាំ២០២២ លោក សាយ សុផាត ប្រធាន មន្ទីរ កសិកម្ម រុក្ខា ប្រមាញ់ និងនេសាទ ខេត្តប៉ៃលិន បានដឹកនាំមន្ត្រីជំនាញក្រោមឱវាទ ចុះពិនិត្យនិងពិគ្រោះយោបល់ខ្សែច្រវ៉ាក់ផលិតកម្មដំណាំបន្លែ នៅភូមិភ្នំកុយ និងភូមិភ្នំស្ពង់ ឃុំសាលាក្រៅ ស្រុក សាលាក្រៅ ខេត្តប៉ៃលិន។ លោកប្រធានមន្ទីរ បានធ្វើការវាយតម្លៃខ្ពស់ដល់ការខិតខំប្រឹងប្រែងនិងអនុវត្តតាមគោលការដាំដុះបន្លែសុវត្ថិភាពរបស់កសិករ ក្រោមការសម្រសម្រួលនិងបណ្តុះបណ្តាលពីមន្រ្តីជំនាញកសិកម្ម នៃកម្មវិធី Aspire និងដៃគូអភិវឌ្ឍន៍នានា។ ជំរុញ អោយកសិករបន្តការពង្រឹងនិងពង្រីកការដាំដុះបន្លែសុវត្ថិភាព ដើម្បីលើកកំពស់សុវត្ថិភាពចំណីអាហារ និងតម្លៃទីផ្សារ។ រៀបចំផែនការផលិតមុខដំណាំដែលមានតម្រូវការទីផ្សារខ្ពស់ និងសមស្របដាំដុះបន្លែក្នុងផ្ទះសំណាញ់ តាមការណែនាំបច្ចេកទេសពីមន្រ្តីជំនាញកសិកម្មផ្ទាល់ និងតាមបណ្តាញសង្គមផ្លូវការនានា។ កសិកររួមមាន÷ -លោក ឃួន ប៊ុនធី (Tel: ០៨៨ ៨០០០៥១៦) តំណាងបណ្តុំអាជីវកម្មបន្លែនៅភូមិភ្នំកុយ ឃុំសាលាក្រៅ កំពុងប្រមូលផលបន្លែសុវត្ថិភាព ស្ពៃក្ដោប ក្នុងផ្ទះសំណាញ់ចំនួន១ខ្នង និងដំណាំរួមផ្សំមួយចំនួនទៀតដូចជា ខាត់ណាផ្កាខៀវ (Broccoli) ត្រសក់ ចេក ពងមាន់ ល្ហុង និងដំណាំរួមផ្សំមួយចំនួនទៀតជាបន្តបន្ទាប់ លើផ្ទៃដីជាង២ហិកតា។ -លោក ផៃ ផាន់ នី (Tel: ០៩៧ ៦៧៦៤៤៣៥) កសិករ សាយភាយ កំពុងប្រមូលផលដំណាំបន្លែ សុវត្ថិភាព ក្នុងផ្ទះសំណាញ់ ចំនួន៥ខ្នង (ខាត់ណាផ្ការខៀវ និងផ្ការលឿង) និងបន្តការបម្រូលផលដំណាំទំពាំងបារាំងជាបន្តរបន្ទាប់ លើផ្ទៃដីជាង១ហិកតា ស្ថិតនៅ ភូមិភ្នំស្ពង់ ឃុំសាលាក្រៅ។