លោក សាយ សុផាត ប្រធានមន្ទីរ កសិកម្ម រុក្ខាប្រមាញ់ និងនេសាទ ខេត្តប៉ៃលិន សហការជាមួយមន្ទីរពាណិជ្ជកម្ម​ខេត្តប៉ៃលិន រៀបចំពិធី ប្រកាសទិញមៀនប៉ៃលិន និងចុះកិច្ចសន្យាទិញ-លក់មៀនប៉ៃលិន រវាងក្រុមហ៊ុន ឆាយណា ជីនវ័រយាន អ៉ីមផត អិចផត ( ខេមបូឌា ) ជាមួយសហគមន៍មៀនប៉ៃលិន ក្រោមអធិបតីភាព លោក ងួន លីណា អភិបាលរង នៃគណៈអភិបាលខេត្ត ប៉ៃលិន នៅមន្ទីរពាណិជ្ជកម្មខេត្តប៉ៃលិន។ កម្មវិធីនេះមានការអញ្ជើញចូលរួមពីថ្នាក់ដឹកនាំ តំណាងមន្ទីរពាណិជ្ជកម្មខេត្ត មន្ទីរកសិកម្មខេត្ត ចំនួន ០៤ខេត្ត រួមមាន៖ បៃលិន បាត់ដំបង ឧត្តរមានជ័យ បន្ទាយមានជ័យ និងកងកម្លាំងទាំងបីប្រភេទក្នុងខេត្តប៉ៃលិន * ក្នុងកិច្ចសន្យានេះ តម្លៃទីផ្សារមៀនប៉ៃលិនក្រុមហ៊ុន ប្រកាសទិញក្នុងឆ្នាំ២០២៤ - ២០២៥៖ - ចាប់ពីខែសីហា ដល់ខែវិច្ឆិកា តម្លៃ ៣,០០០រៀល /គីឡូ - ចាប់ពីខែធ្នូ ដល់ខែមិថុនា      តម្លៃ ៣,៥០០រៀល /គីឡូ