នារសៀល ថ្ងៃទី២៣ខែសីហា ឆ្នាំ២០២៤ លោក សាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន បានអញ្ជើញចូលរួមប្រជុំស្តីពី អំពីការសិក្សាសមិទ្ឋិលទ្ឋភាពនិងការរៀបចំគំរូអាជីវកម្ម ដើម្បីជាមូលដ្ឋានក្នុងការរៀបចំបង្កើតសហគមន៍ទំនើប តាមរយៈប្រព័ន្ធបញ្ចូនរូបភាពនិងសម្លេង(Zoom) ស្ថិតក្រោម អធិបតីដ៏ខ្ពង់ខ្ពស់ ពីឯកឧត្តម ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងឯកឧត្តម មាស ពិសិដ្ឋ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជានាយកកម្មវិធី ASPIRE-AT។ សិក្ខាសាលានេះមានការចូលរួមពីវិស័យឯកជន Tropicam, AMK Microfinance, CACC, FORTE, KOC, Green Gold, Remix, CSDS, NGOs មន្ត្រីមន្ទីរកសិកម្មខេត្ត ទីប្រឹក្សា និងអ្នកពាក់ព័ន្ធ សរុបចំនួនប្រមាណ ១០០នាក់ ស្រី ២៥នាក់។ សិក្ខាសាលានេះមានគោលបំណង៖ • ពិភាក្សាអំពីការរកឃើញនៃការសិក្សាសមិទ្ធិលទ្ធភាព ដោយមានការសិក្សាទិន្នន័យផ្អែកលើឯកសារកន្លងមក និងការសិក្សាករណីសហគមន៍កសិកម្មចំនួន ៤ • ពិនិត្យ និងឆ្លុះបញ្ចាំងលើអនុសាសន៍ដែលផ្តល់ដោយការសិក្សាសមិទ្ធិលទ្ធភាព • ពិនិត្យគោលគំនិតនៃការរៀបចំករណីសហគមន៍កសិកម្ម ចំនួន ៤ នៅខេត្តកណ្តាល សៀមរាប ខេត្តព្រះសីហនុ និងខេត្តកំពង់ធំ។