ក្រោមកិច្ចសម្របសម្រួលរបស់មន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន បានរៀបចំទីកន្លែង អោយកសិករប្រមូលផលបន្លែដែលកកស្ទះទីផ្សារ មកដាក់លក់នៅ ខាងមុខមន្ទីរកសិកម្ម រុក្ខាប្រមាញ់ ខេត្តប៉ៃលិន។ កសិករដាំបន្លែ នៅភូមិ ស្រែអន្ទាក់ ឃុំសាលាក្រៅ ស្រុកសាលាក្រៅ ខេត្តប៉ៃលិន មានការសម្បាយចិត្តជាខ្លាំង និងបានសូមថ្លែងអំណរគុណដល់ថ្នាក់ដឹកនាំ និងមន្រ្តីជំនាញនៃមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន ដែបានជួយសម្រប់សម្រួលដោះស្រាយ បញ្ហាស្ទះគ្មានទីផ្សារបន្លែ មកលក់នៅស្ដង់ខាងមុខមន្ទីរកសិកម្ម និង សូមថ្លែងអំណរគុណដល់មន្ត្រីរាជការនិង បងប្អូនប្រជាពលរដ្ឋ ដែលរស់នៅក្នុងខេត្តប៉ៃលិនបានជួយគាំទ្រទិញបន្លែ របស់គាត់ ដែលកកស្ទះទីផ្សារ និងឈ្មួញមិនបានចូលទិញ។ គិតមកដល់ថ្ងៃទី២៧ខែកុម្ភៈឆ្នាំ២០២៥ គាត់បានលក់បន្លែ បាន ចំនួន ១ ២០០គ.ក (ស្ពៃក្ដោប ៧៥០គ.ក និងស្ពៃជើងទា ៤៥០គ.ក)។ បើសិនបងប្អូនត្រូវការទិញបន្លែសូម ទាក់ទងលេខទូរស័ព្ទ 0977730673 ឈ្មោះ ឈើយ សុភា