ការិយាល័យជំនាញនៃមន្ទីរកសិកម្មរុក្ខាប្រមាញ់ និងនេសាទខេត្តប៉ៃលិនមាន លោក សុទ្ធ វិសាល ប្រធានការិ. ផ្សព្វផ្សាយ កសិកម្មនិង លោក ផាន សុផាណារ៉ា ប្រធានការិ. ក្សេត្រ សាស្រ្ត និងផលិតភាពកសិកម្ម បានបន្តចុះសិក្សាស្រាវជ្រាវខ្សែច្រវ៉ាក់ផលិតកម្មដំណាំមៀនប៉ៃលិន និងបញ្ហាប្រឈមរបស់កសិករ និងចងក្រងឯកសារករណីសិក្សា របស់ម្ចាស់ចំការមៀន លោក ស្រេង ស្រៀង Tel: 088 8701471 នៅសង្កាត់អូរតាវ៉ៅ ក្រុង/ខេត្តប៉ៃលិន។ ការសិក្សាផ្តោតលើចំនុចសំខាន់ៗ ចំនួន៣គឺ: ១. បច្ចេកទេសថែទាំ និងការបញ្ជេញផ្លែចាប់ពីតែងមែក រហូតប្រមូលផល÷ ត្រូវការថែទាំជាប់ជាប្រចាំ។ ក្នុងការបញ្ជាមៀនរដូវវស្សា អាចប្រមូលផលបាន រយះពេល ៦ខែ ១០ថ្ងៃ។ ចំពោះរដូវប្រាំង អាចប្រមូលផលបាន រយះពេល ប្រមាណ ៧ខែ។ ២. ការវិភាគសេដ្ឋកិច្ចថ្លៃដើមផលិត÷ តាមរយ:កំណត់ត្រា និងបទពិសោធន៍កន្លងមក មៀនអាយុកាល១០ឆ្នាំ ថែទាំតាមស្តង់ដារដើម្បីនាំចេញ ១០០ដើម ចំណាយរួមប្រមាណ ១០លានរៀល ទទួលបានចំណូលសរុប ប្រមាណ ២០លានរៀល។ កសិករអាចបានចំណូលសុទ្ទជាង៥០% ក្នុង១វដ្តផលិតកម្មមៀន ៦-៧ខែ។ ៣. បញ្ហាប្រឈមផ្សេងៗ÷ - អំពីក្រុមហ៊ុនប្រមូលទិញ ភាគច្រើនធ្វើកិច្ចសន្យាទិញលក់តែ២ភាគី (ម្ចាស់ចំការ និងក្រុមហ៊ុន)។ ស្នើសុំអោយមាន ភាគីទីបីចូលរួម មានអជ្ញាធរ និងមន្ទីរជំនាញ (កសិកម្ម និងពាណិជ្ជកម្ម)។ ស្នើសុំខ្សែបេះមៀនរបស់ក្រុមហ៊ុនអនុវត្តតាមគោលការក្រុមហ៊ុន គឺបេះផ្លែមៀនចូលស្តង់ដា និងមៀនលួង។ បច្ចុប្បន្ននេះខ្សែបេះ របស់ក្រុមហ៊ុន មានប្រភេទ (ដូន/ស៊ី) មានន័យថា ប្រធានក្រុមបេះ ចរចារក្រៅផ្លូវការជាមួយម្ចាស់ចំការ ដោយសន្យាបេះមៀនអស់ពីចំការ តែម្ចាស់ចំការត្រូវបន្ថែមប្រាក់អោយ ២០០០រៀល ក្នុង១ តាកាស (ទំងន់ប្រមាណ ១១-១២គ.ក)។ តែប្រធានក្រុមបេះមិនធានាថាក្រុមហ៊ុនអាចទទួលយកផលទាំងនោះទេ។ ក្នុងករណីក្រុមហ៊ុនឆែកមិនត្រូវស្តង់ដាគឺក្រុមហ៊ុនដកចេញ (ដូន/ស៊ី) នឹងមិនត្រូវបានទូទាត់ប្រាក់អោយម្ចាស់ចំការឡើយ។ បទពិសោធកន្លងមក ផ្លឹងមៀនពីចំការ ១០តោន ពេលក្រុមហ៊ុនបើកប្រាក់អោយម្ចាស់ចំការ គឺកាត់ ២ឫ៣តោនចេញ ដោយប្រាប់ថា ដូន ឫស៊ី ធ្វើអោយម្ចាស់ចំការមិនសប្បាយចិត្តក្នុងការកាត់ចំនួនដ៍ច្រើននេះ ដោយមិនបានផ្តល់ដំណឹងមុន... - អំពីម្ចាស់ចំការ÷ មានចំការខ្នាតធំខ្លះ (១ចំការ ចន្លោះ១មឺនដើម) មិនបានចុះកិច្ចសន្យាជាមួយក្រុមហ៊ុន តែពេលជិតប្រមូលផល បានមកចរចារជាមួយក្រុមហ៊ុនអោយជួយទិញ ដែលបណ្តាលអោយកកស្ទះក្នុងការប្រមូលផលចំការតូចៗដែលបានធ្វើកិច្ចសន្យាជួយក្រុមហ៊ុន..។ ម្ចាស់ចំការខ្លះមិនបានអនុវត្តការថែទាំតាមស្តង់ដារនាំចេញ ដែលធ្វើអោយមិនអាចប្រមូលផលមៀនអស់ពីចំការ ដែលធ្វើអោយម្ចាស់ចំការបង្ខំចិត្តលក់អោយឈ្មួញកណ្តាលផ្សេងទៀតក្នុងតម្លៃទាប។ សំណូមពរ ស្នើសុំមន្ទីរជំនាញ និងក្រុមហ៊ុន សម្របសម្រួលរៀបចំផែនការផលិតកម្មមៀនជាមួយសមាជិកសហគមន៍ និងកិច្ចសន្យាផលិតកម្ម សម្រាប់ឆ្នាំ២០២៥-២០២៦។