នារសៀលថ្ងៃសុក្រ ៨រោច ខែផល្គុន ឆ្នាំរោង ឆស័ក ពស. ២៥៦៨ ត្រូវនិងថ្ងៃទី ២១ ខែមីនា ឆ្នាំ២០២៥ មន្ទីរកសិកម្មរុក្ខាប្រមាញ់ និងនេសាទ ខេត្តប៉ៃលិន ក្រោមកិច្ចសហការពីមន្ទីរជំនាញ អជ្ញាធរមូលដ្ឋាន និងដៃគូអភិវឌ្ឍន៍ បានបើកវគ្គបណ្តុះបណ្តាលស្តីពី ការអនុវត្តកសិកម្មល្អកម្ពុជា Cam-GAP លើដំណាំបន្លែ ក្រោមអធិបតិភាព÷ លោក សាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទ លោក ង៉ា លីហុង ប្រធានមន្ទីរធនធានទឹក និងឧតុនិយម លោក ប៉ូច សាអែម ប្រធានមន្ទីរសេដ្ឋកិច្ច និងហិរញ្ញវត្ថុ លោក ប៊ុន ដន ទីប្រឹក្សាគម្រោងភូមិសន្តិភាព តំណាងអជ្ញាធរមូលដ្ឋាន សមាជិកសហគមន៍កសិកម្ម និងកសិករដាំបន្លែចូលរួម សរុបចំនួន ៤៦នាក់ ស្រី ៣២នាក់ នៅភូមិស្រែអន្ទាក់ ឃុំសាលាក្រៅ ស្រុកសាលាក្រៅ ខេត្តប៉ៃលិន។ វគ្គបណ្តុះបណ្តាលនេះមានរយះពេល ៨ថ្ងៃ ចាប់ពីថ្ងៃទី ២១ ដល់ ២៨ ខែមីនា ឆ្នាំ២០២៥ ដោយផ្សាភ្ជាប់ទ្រឹស្តី និងការអនុវត្តនៅចំការបន្លែ។ ក្នុងគោលបំណង៖ - ផ្តល់ចំណេះដឹងដល់សហគមន៍កសិកម្ម និងកសិករដាំដុះបន្លែសុវត្ថិភាពតាមគោលការអនុវត្ត កសិកម្មល្អកម្ពុជា Cam-GAP ដើម្បីលើកកំពស់សុខភាព បរិស្ថាន និងសេដ្ឋកិច្ចជនបទ។